Të rritesha në një familje ku ushqimi ishte gjithçka – një mundësi për të ndarë momente dhe për të bashkuar breza – ishte ajo që më bëri të dashuroj këtë profesion dhe të angazhohem plotësisht në të. Për ne, ushqimi ka qenë gjithmonë më shumë se thjesht një detyrë; është pasioni dhe iden- titeti ynë. Historia e familjes sonë lidhet ngushtë me kuzhinën: stërgjyshi im ka qenë kuzhinier dhe shef kuzhine për personalitete të njohura të kohës, dhe babai im e ka vijuar këtë pasion, duke u bërë një udhërrëfyes dhe mbështetje e paçmuar për mua në çdo hap të këtij rrugëtimi. Dëshira ime për të gatuar dhe për të krijuar shije të reja ka qenë gjithmonë një dëshirë e brendshme, një thirrje që më ka udhëhequr që nga fëmijëria.

Puna ime e parë në këtë fushë nisi para 12 viteve  në Sanremo. Ajo ishte periudha më e vështirë, por gjithashtu më e pasur me mësime të pashlyeshme. Aty kam mësuar se çdo punonjës ka një kontribut të çmuar dhe çdo detaj ka rëndësi të madhe.
Pas Sanremos, u ktheva në vendin tim dhe mora përsipër një sfidë tjetër: të isha shef kuzhine në sezonin turistik të verës, një periudhë shumë të ngarkuar për çdo restorant. Por ajo që ndodhi ishte e pabesueshme: kjo sfidë u bë më pas pasioni im, dhe e ndoqa për shumë vite me radhë, gjithmonë duke kërkuar risi dhe mënyra të reja për të përmirësuar përvojën e klientëve.

Për të sjellë diçka të veçantë në këtë profesion, mora vendimin që të krijoja biznesin tim. Dëshiroja një koncept unik – diçka që nuk ishte thjesht një vend ku gatuhej dhe servirej ushqimi, por një vend ku ushqimi bëhej art, ku çdo detaj ishte i menduar dhe ku zhvillohej një identitet i veçantë i ushqimit. Ky ishte misioni im, dhe besoj se e kemi nisur me sukses në d’Amir Catering.
d’Amir Catering nuk është thjesht një biznes, por një pasion i transformuar në një standard të ri në industrinë e ushqimit catering. Ky është një projekt që përfaqëson eksperiencën time, dashurinë për gatimin dhe përpjekjet e pandërprera të ekipit tim, të cilët janë partnerët e mi më të mirë në këtë rrugëtim. Sot, mund të jemi krenarë që kemi arritur të krijojmë një lidhje të ngushtë me klientët tanë, të cilët janë të kënaqur nga shërbimi dhe ushqimi që ofrojmë. Është kënaqësi e madhe të shohësh që çdo ditë e më shumë po rritemi dhe po e çojmë këtë pasion рёграга.